بالفيديو: بحيرة حمرين تعود لاحتضان العوائل المحتفلة بأعياد نوروز

قبل سنين معدودة كان الوصول الى ضفاف بحيرة حمرين والتمتع بأجوائها الساحرة ضرب من الخيال، إذ كان تنظيم داعش يستغلها للتنقل بين مضافاته المنتشرة على التلال المجاورة للبحيرة. أما اليوم عادت هذه البحيرة لتتزين باحتفالات اهالي محافظة ديالى، وتضيف هي الاخرى البهجة والمنظر الخلاب على مناسباتهم، مما حدا بالمواطنين دعوة الجهات الحكومية الى مضاعفة الاهتمام بهذا المرفق السياحي المهم.

في هذا الاطار، قال مواطن: "هواية احسن شوف هسة العالم شكد اكو فرق مستانسه ومرتاحه ومكيفه يعني هوايه، هاي البلام دتشتغل والعالم ابو المحل ابو الموطه ابو الغيره هواي كلها استفادت حتى ابو السيارة ابو الكافتيريا كلها استفادت خاصة منطقة حمرين، سد حمرين جان شوية وضعها متخربط الى درجة هسة الوضع اتغير من السما للكاع يعني ومتشوف يعينكم هاي القناة وهي الصور وهي الدتشوف ". (كلام محكي)

وأضاف مواطن: "قبل يومين من بدء الاحتفال اعياد النوروز قامت العوائل بالتحضير من مستلزمات الحياة اليومية من اكل ومشرب وملبس واستعدادا لهذا اليوم البهي اعياد النوروز اعياد الخير والبركة نسأل الله العظيم في هذا اليوم أن يعم الامن والامان على عراقنا العظيم". (كلام محكي)

عودة بحيرة حمرين الى اجواء الاحتفالات، كان الدور الاساس فيه للقوات الامنية التي نشرت قطعاتها لتأمين العوائل المحتفلة هنا.

من جهته، قال العميد الركن كريم فاضل عبد، من أمر لواء المغاوير قيادة عمليات ديالى: "دتلاحظون القطعات مالتنه منتشرة لتأمين الحماية لهذه المناسبة هي اعياد نوروز المنتشرة القطعات شفتوها على جبال حمرين الى ناحية حمرين الى البحيرة وهذا الاستعدادات وتشوفون العوائل الحمد الله لو ما اكو امان ما جتي هذة العوائل اختي المنطقة ودتلاحظون هسة بالحيرة الزوارق تفتر سائله العوائل والناس ناصبين مثل ما يكول السرادق مالتهم وخيمهم هذا كليته بفضل الأمن". (كلام محكي)

عودة تدفق العوائل الى بحيرة حمرين بعد انقطاع دام سنوات بسبب الاوضاع الامنية، تعطي بارقة امل للكثير من تحولها الى اكبر مرفق سياحي في المحافظة وسط دعوات لاستثمارها.

يمكنكم مشاهدة التقرير على الفيديو أعلاه.